धनगढी। कैलालीको धनगढीबाट किराना पसल भित्र जुवा खेलिरहेका ८ जना पक्राउ परेका छन्। धनगढी वडा नम्बर ६ मट्यारीका२७ वर्षीय ओमप्रकाश कठायतले संचालन गरेको दकाजी किराना पसल भित्र कोठामा जुवातास खेलिरहेका ८ जना नगद रकमसहित पक्राउ परेका हुन्।
किराना पसल भित्र कोठामा जुवातास खेलिरहेको अवस्थामा पसल संचालक कठायतसहित आठ जनालाई शुक्रवार साँझ प्रहरीले पक्राउ गरेको हो।वडा प्रहरी कार्यालय धनगढीबाट खटिएको प्रहरी टोलीले उक्त पसलमा चेकजाँच गर्दा उनिहरुलाई नगद ३० हजार ५७५ र ३ गड्डी ताससहित पक्राउ गरेको जनाइएको छ। यस सम्बन्धमा प्रहरीले थप आवश्यक अनुसन्धान गरिरहेको जनाएको छ।
