बाजुरा। बाजुराको बडिमालिकामा आगलागी हुँदा तिन घर जलेर नष्ट भएका छन् ।
बाजुराको बडिमालिका नगरपालिका ६ कोर्ध स्थित अमर बडुवाल,बलबहादुर बडुवाल र बादुरे बडुवालकोसँगै जोडिएको ३ तले घरमा बिजुलीको लाईन सर्ट भएर आगलागी भएको हो । जिल्ला प्रहरी कार्यालय बाजुराका प्रहरी नायव निरीक्षक सुरेश भण्डारीले आईतवार साँझ आगलागी हुँदा घर र घर भित्र रहेका सरसामानहरु जलेर नष्ट भएको बताए।
उक्त आगलागीबाट मानविय/चौपाया क्षती नभएको र आगलागीबाट भएको क्षतिको विवरण आउन बाँकी रहेको भण्डारीले जानकारी दिए। दिउँसो घरमा सवै काममा गएको समयमा साँझ सात बजेतिर एक्कासी घरमा आगोको मुस्लो देखिएपछि छिमेकीले थाहा पाएको बडिमालिका नगरपालिका ६ का वडा अध्यक्ष कृष्ण खड्काले बताए ।उक्त आगलागी प्रहरी र स्थानियको सहयोगमा नियन्त्रणमा लिनुका साथै यस सम्बन्धमा जिल्ला प्रहरी कार्यालय बाजुराबाट आवश्यक अनुसन्धान भईरहेको छ।
