बाजुरा। बाजुराको खप्तड छेडेदहमा डुंगा पल्टिँदा बेपत्ता भएका पुरुष मृत फेला परेका छन् ।
बाजुराको खप्तड छेडेदहगाउँपालिका–४ र ७ मा पर्ने छेडेदहतालमा डुंगा पल्टिँदा बेपत्ता भएका खप्तड छेडेदह–७ लम्गाउँका ३२ वर्षीय वीरेन्द्र रावत मृत फेला परेका हुन्।
तालमा अचानक डुंगा पल्टिँदा रावत बेपत्ता भएका थिए। डुंगामा सवार अन्य ६ जनाले भने पौडी खेलेर ज्यान जोगाएका थिए। मृत फेला परेका रावतको शव पोष्टमाडमका लागि पठाएको जिल्ला प्रहरी कार्यालय बाजुराका प्रहरी नायव निरीक्षक सुरेश भण्डारीले बताए।
