दार्चुला। दार्चुलामा एक पुरुष मृत फेला परेका छन्। दार्चुलाको महाकाली नगरपालिका वडा नम्बर ४ मोहती पिपलगैरामा एक पुरूष मृत फेला परेको जिल्ला प्रहरी कार्यालय दार्चुलाले जनाएको छ।
जिल्ला प्रहरी कार्यालय दार्चुलाका प्रहरी निरीक्षक ज्ञानेन्द्र सिंहले महाकाली नगरपालिका वडा नम्बर १ कटौजेका अन्दाजी ४३ वर्षका चन्द्र सिंह कुँवर रहेका बताए। प्रहरी निरीक्षक सिंहका अनुसार आज शनिवार विहान ८ बजेतिर कुँवर मृत भेटिएपछि घटनास्थलमा प्रहरी खटिएको बताए। प्रारम्भिक अनुसन्धानमा पुरूषको लडेर मृत्यु भएको हुन सक्ने प्रहरीको अनुमान छ। यस विषयमा थप अनुसन्धानमा भैरहेको उनले बताएका छन्।
