कञ्चनपुर। कञ्चनपुरमा खैरो हेरोइनसहित एक भारतीय पक्राउ परेका छन्। कञ्चनपुर बेलौरी नगरपालिका वडा नम्बर ६ नकैयाबाट १० दशमलब २ ग्राम खैरो हेरोईनसहित भारत उत्तर प्रदेश लखिमपुर ग्राम खजुरीयाका १८ वर्षीय सर्वेशकुमार चौहान पक्राउ परेका हुन्।
सुदूरपश्चिम प्रदेश प्रहरी कार्यालयको प्रोभेन्स इन्टिलेन्स टीम (पीआईटी) ले ठूलो परिणाममा लागुऔषध खैरो हेरोईनसहित ति भारतीयलाई पक्राउ गरेको हो। पैदल आउदै गरेको अवस्थामा शंका लागेर चेकजाँच गर्दा प्रहरीले उनको पाइन्टको गोजीमा पोको पारेको खैरो हेरोइन भेटाएको इलाका प्रहरी कार्यालय बेलौरीले जनाएको छ। खैरो हेरोईनसहित नियन्त्रणमा लिइएका चौहानमाथी थप अनुसन्धान भइरहेको इलाका प्रहरी कार्यालय बेलौरीले बताएको छ ।
