बैतडी। बैतडीमा स्याउला काट्दै गर्दा रुखबाट लडेर महिलाको मृत्युभएको छ। हिजो (विहिबार) जिल्लाको सिगास गाउँपालिका–४ गढतोलामा रहेको सिगास फोटो स्टुडियो डडेल्धुराका सञ्चालक कर्णबहादुर बोहराकी श्रीमतीको मृत्यु भएको हो।
कर्णबहादुरकी ४६ वर्षीया श्रीमती हरुलीदेवी बोहराको स्याउला काट्ने क्रममा लडेर मृत्यु भएको प्रहरीले जनाएको छ। घरनजिकैको खरबारीमा बाख्राका लागि स्याउला काट्ने क्रममा बोहरा रुखबाट लडेर गम्भीर घाइते भएकी थिइन्। लडेर गम्भीर घाइते भएकी ति महिलाको मृत्यु भएको खबर प्राप्त भएको जिल्ला प्रहरी कार्यालय बैतडीले जनाएको छ।
