बाजुरा। बाजुराको एक होटेलमा आगलागी भएको छ । साँफे-मार्तडी राजमार्गमा पर्ने बडीमालिका नगरपालिका-६ नुनेपानीमा रहेको होटेलमा गएराति आगलागी भएको हो।
आगलागीबाट दुई तले टिनको घर र होटेल पूर्णरुपमा जलेर नष्ट भएको जिल्ला प्रहरी कार्यालय बाजुराले जनाएको छ । प्रहरी र स्थानीयको सहयोगमा आगलागी नियन्त्रणमा लिइएको प्रहरीले बताएको छ।
होटेलमा भएका सामानसहित होटेल सञ्चालक उमेश कार्कीको मोटरसाइकल र होटेलमा बसेका मनोजकुमार भट्टको मोटरसाइकल जलेर नष्ट भएको बताइएको छ। क्षतिको विवरण सङ्कल भइरहेको प्रहरीले जनाएको छ।
