काठमाडौं। कास्कीको पोखरा महानगरपालिका– १७ महतगौडास्थित सेती नदीमा माछा मार्ने क्रममा बेपत्ता एकको शव सशस्त्र प्रहरीले निकालेको छ । एक जनाको खोजीकार्य जारी छ।
माछा मार्न गएका ५ जनामध्ये सोही महानगरपालिका– १ कसेरी बस्ने ४० वर्षका मृत मंगा तामाङ्ग ढुङ्गामा अड्किएको अवस्थामा सशस्त्र प्रहरी नेपाल नम्बर–२४ कालिका गण कास्कीबाट गएको गोताखोर र विपद् उद्धार टिम सहितको फौजले आइतबारराति पौने १ बजे शव निकालेको छ।
उनको शव पोस्टमार्टमको लागि पश्चिमाञ्चल स्वास्थ्य विज्ञान प्रतिष्ठान पठाएको छ ।सोही ठाउँ बस्ने ४३ वर्षका रक्सेस तामाङ्गको गोताखोर र विपद् उद्धार टिमले खोजी कार्य जारी राखेको छ। शव पोस्टमार्टमको लागि पश्चिमाञ्चल स्वास्थ्य विज्ञान प्रतिष्ठान पठाइएको छ। माछा मार्न गएका अन्य ३ जना भने सकुशल रहेका छन्।
