धनगढी। भारतको दुधुवा बिच जंगलमा दुर्घटना हुँदा २ नेपाली घाइते भएका छन्। कैलालीको धनगढी उपमहानगरपालिका फूलबारीका रामकुमार चौधरी र बमबहादुर डगौरा घाइते भएका हुन्।
उनीहरूको नेपालबाट पलिया जाँदै गर्दा मोटरसाइकल दुर्घटना भएको स्थानीयसमेत रहेको पत्रकार विवेक अर्कवंशीले बताएका छन्। उनका अनुसार शनिवार बिहान साढे ११ बजे दुर्घटना भएको हो।
से ३ प २८१९ नम्बरको मोटरसाइकल दुर्घटना भएको छ। उनीहरूलाई उपचारका लागि अस्पताल लगिएको छ। आफन्त सम्पर्कमा आएका छैनन्। उनीहरूको आफन्तले पत्रकार विवेकको फोन नम्बर ००९१–७३५५५०८४९३ मा सम्पर्क गर्न सक्नेछन्।
