काठमाडौं। अभिनेत्री रेखा थापा आमा बनेकी छिन्। उनले छोरीलाई जन्म दिएकी हुन्। साथै भर्खरै जन्मिएकी छोरीको नामसमेत वैभवी राज्यलक्ष्मी शाही ठकुरी राखिएको छ। उनले छोरीको नामसहित तस्बिरसमेत सामाजिक सञ्जालमा राखेकी छिन्।
नायिका थापाले आफ्नो पहिलो सन्तानलाई अमेरिकाको कोलोराडोको अस्पतालमा जन्म दिएकी हुन्। सामाजिक सञ्जालबाट तस्बिर सार्वजनिक गर्दै उनले भनेकी छिन्, ‘हेर आकाशमा कालो बादल वरिपरि चाँदीको घेरा छ, हेर धर्तीमा तिमी जन्मनुको महान् कारण छ। वैभवी राज्यलक्ष्मी शाही ठकुरी।’ तस्बिरमा नवजात शिशु र रेखाका श्रीमान् बलराम शाही ठकुरी पनि देखिएका छन्।
