धनगढी। कञ्चनपुरबाट लागुऔषधसहित २ जना पक्राउ परेका छन्। जिल्लाको पुनर्वास नगरपालिका–४ र ११ बाट २ जना पक्राउ परेका छन्।
जिल्लाको पुनर्वास नगरपालिका–४ कार्गिलडाँडाबाट अवैध लागूऔषध खैरो हेरोइन जस्तो देखिने पदार्थ ४ सय ४० मिलिग्रामसहित कैलालीको गोदावरी नगरपालिका–८ स्याउलेका २१ वर्षीय बिरेन्द्र कठायत पक्राउ परेका हुन्। उनलाइ बुधवार दिउँसो प्रहरीले पक्राउ गरेको छ। ईलाका प्रहरी कार्यालय त्रिभुवनबस्तीबाट खटिएको प्रहरीले भारतबाट नेपालतर्फ आउँदै गरेका उनलाई उक्त पदार्थसहित पक्राउ गरेको हो।
यसैगरी कञ्चनपुरको पुनर्वास नगरपालिका-११ डोकेबजारबाट अवैध लागूऔषध खैरो हेरोइन जस्तो देखिने पदार्थ ९ सय २० मिलिग्रामसहित बैतडीको पाटन नगरपालिका–६ का २६ वर्षीय कमल भण्डारीसमेत पक्राउ परेका छन्। उनलाई पनि बुधवार राति प्रहरीले पक्राउ गरेको छ। ईलाका प्रहरी कार्यालय त्रिभुवनबस्तीबाट खटिएको प्रहरीले भारतबाट नेपालतर्फ आउँदै गरेका उनलाई उक्त पदार्थसहित पक्राउ गरेको हो।
