बैतडी। बैतडीको दशरथचन्दमा एक विवाहित युवती मृत अवस्थामा फेला परेकी छन्। बैतडीको दशरथचन्द नगरपालिका-२ देहीमाण्डौं रजाडकी २० बर्षीया लक्ष्मी बोहरा मृत फेला परेकी प्रहरीले जनाएको छ।
जिल्ला प्रहरी कार्यालयका प्रवक्ता प्रहरी निरीक्षक नन्दराज जोशीका अनुसार आज बुधबार बिहान बोहरा घरभन्दा ५ सय मिटर पर रहेको रुखमा झुण्डिएको अवस्थामा फेला परेकी हुन् । मृतक बोहराका ३ बर्षीय छोरा रहेको बताइएको छ।
मृतकका श्रीमान र ससुरा रोजगारीका लागि भारतमा रहेका छन्। बोहराले किन आत्महत्या गरिन् भन्ने बिषय खुलेको छैन्। घटनाका बिषयमा थप अनुसन्धान भइरहेको प्रहरी निरीक्षक जोशीले जानकारी दिएका छन् ।
