धनगढी। धनगढीमा बिशाल एण्ड सुरेश ट्रेडर्सले रक्तदान कार्यक्रमको आयोजना गरेको छ । धनगढी उपमहानगरपालीका ७ मा रहेको ट्रेडर्सले बुधबार आयोजना गरिएको रक्तदान कार्यक्रममा बिभिन्न ब्यक्तिले रक्तदान गरेका थिए।
रक्तदान कार्यक्रममा ४६ प्रिन्ट रगत संकलन भएको नेपाल रेडक्रस सोसाईटी धनगढी कैलालीका बिकास नेपालीले जानकारी दिएका छन् । पछिल्लो समय अस्पतालहरुमा भईरहेको रगत अभावलाई मध्यनजर गर्दै रक्तदान कार्यक्रमको आयोजना गरेको विशाल एण्ड सुरेश ट्रेडर्सका सन्चालक विशाल रानाले जानकारी दिए । रक्तदान कार्यक्रममा वडा नम्वर ७ का अध्यक्ष मोति राना प्रमुख अतिथी रहेका थिए। 
