बझाङ। बझाङमा ट्रक दुर्घटना भएको छ। आज (बिहीबार) दिउँसो बाग्थला बिजगडा सडक खण्ड अन्तरगत बाग्थलाबाट आधा किलोमिटर अगाडी सेतो पहिरोमा भे १ ख ३७९३ नम्बरको ट्रक चिप्लेर दुर्घटनामा परेको बताइएको छ।
ट्रक चालकले भने हाम फालेर ज्यान जोगाएको स्थानीय विकास मल्लले बताए। सामान्य घाईते भएका चालकलाई स्थानीय स्वास्थ्य संस्थामा उपचारका लागि लगिएको छ। सडक सतह चिप्लो भएका कारण चिप्लेको ट्रक सडकबाट करिब १०० मिटर तल खसेको थियो। आज दिउँसो इन्धन, सिमेन्ट, सरिया, प्लाइउड, जस्ता बोकेर बाग्थलाबाट बुङ्गल तर्फ गइरहेको ट्रक दुर्घटना हुदा सामानसँगै ट्रकमा क्षति भएको छ। घटनाका बारेमा थप अनुसन्धान भैरहेको छ ।
