बझाङ। बझाङमा मोटरसाइकल दुर्घटना हुँदा २ जना घाइते भएका छन। जयपृथ्वी नगरपालिका–४ आम्पाटामा मोटरसाइकल दुर्घटना हुँदा जयपृथ्वी नगरपालिका-३ पडेशका २३ वर्षिय चालक शुशिल खड्का र मोटरसाईकल पछाडी सवार सोहि ठाउँका ३६ वर्षिय किशोर खड्का घाइते भएका हुन ।
सदरमुकाम चैनपुरबाट जयपृथ्वी नगरपालिका–३ पडेश तर्फ गइरहेको लु ११ प ६४९७ नम्बरको मोटरसाइकलले विपरित दिशा बाट आईरहेको ट्याक्टरलाई साईडदिनेक्रममा सडकबाट करीब १५० मिटर तल सेती नदीमा खसेर दुर्घटना भएको जिल्ला प्रहरी कार्यालय बझाङले जनाएको छ।मोटरसाइकललाइ प्रहरीले नियन्त्रणमा लगी थप अनुसन्धान गरीरहेको जनाइएको छ ।
