डोटी। डोटीमा भालुले आक्रमण गर्दा दुई जना घाइते भएका छन्। डोटीको आदर्श गाउँपालिका-४ रोडिङकी ५६ वर्षीया गौरी भाट र ५० वर्षीय जङ्ग भाट भालुको आक्रमणबाट घाइते भएको प्रहरीले जनाएको छ।
उनीहरुलाई हिजो आइतबार बुढीखेत भन्ने ठाउँमा खेतमा काम गरिरहेका बेला भालुले आक्रमण गरेको बताइएको छ। गम्भीर घाइते दुवै जनाको धनगढीमा उपचार भइरहेको जिल्ला प्रहरी कार्यालय डोटीले जनाएको छ। प्रहरीका अनुसार उनीहरुलाई स्थानीय जिडी पोलिक्लिकमा सामान्य उपचारपछि थप उपचारको लागि धनगढी पठाइएको थियो ।
