धनगढी। सुदूरपश्चिम महोत्सवको आठौँ दिन आज चर्चित राष्ट्रिय तथा स्थानीय कलाकारहरुको प्रस्तुती रहने भएको छ। आजको कार्यक्रममा चर्चित गायक खेम सेन्चुरी,गायक टंक तिमिल्सेना, लाल बहादुर धामी (अछामी बड्डो), कोष खड्का आउने कार्यक्रम संयोजक मिलन कुँवरले बताए। यस्तै सुनिल नेपाली, दिपेन्द्र ओली लगायतका कलाकारहरुको प्रस्तुती रहने भएको हो ।
त्यसैगरी स्थानीय कलाकारहरुको समेत विशेष प्रस्तुती रहने संयोजक कुँवरले बताए । मंसिर २२ गते बाट सुरु भएको महोत्सव पुष २ गतेसम्म चल्ने छ । यस बर्षको महोत्सवमा थारु गाउँ,फोटो प्रर्दशनी, स्थानीय परिकार,कला संस्कृति मुख्य आर्कषण रहेका छन्।
महोत्सवको टिकट मोवाइल वालेट खल्तीबाट किन्न सकिने आयोजकले जनाएको छ। महोत्सव भित्र रहेको खल्तीको स्टलबाट खल्तीको प्रोमो कोड लगेर टिकट काट्दा हरेक टिकटमा २५ रुपियाँ क्यास ब्याक पाइने बताइएको छ । साधारणलाई रु १०० र विद्यार्थीलाई रु ५० टिकट निर्धारण गरिएको छ ।
