बाजुरा। बाजुरामा जिप दुर्घटना हुँदा एक जनाको मृत्यु भएको छ। भने एक जना घाईते भएका छन्। बिहीवार बाजुराको हिमाली गाउँपालिका–६ धुलाचौर नजिकै लु १ ज ४८२९ नम्बरको बोलेरो जीप दुर्घटना भएको हो।
धुलाचौरबाट कोल्टीतर्फ जाँदै गरेको बोलेरो जीप दुर्घटना हुँदा मुगु जिल्लाको खत्याड गाउँपालिका-९ का करिब २७ वर्षीय मदन सार्की मृत्यु भएको जिल्ला प्रहरी कार्यालय बाजुराले जनाएको छ। जिल्ला प्रहरी कार्यालय बाजुराका प्रहरी निरीक्षक किशोरसिंह ऐरीले उपचारका लागि कोल्टी प्राथमिक स्वास्थ्य चौकीमा पुगाइएका उनलाई अस्पतालले मृत घोषणा गरेको बताए।
यस्तै जिपमा सवार गौमुल गाउँपालिका-३ का करिब १८ वर्षीय बसन्त धामी घाइते भएका छन्। उनको खुट्टामा चोक लागेको र अवस्था सामान्य रहेको प्रहरीले जनाएको छ। चालकसहित एक जना भने सकुशल छन्। जिप चालक खत्याड गाउँपालिका-९ का दलबहादुर लावणलाई प्रहरीले नियन्त्रण लिएको छ।
