डोटी। डोटीमा ट्याक्टर दुर्घटना हुँदा एक बालकको मृत्यु भएको छ । डोटी प्रहरीका अनुसार आदर्श गाउँपालिकाको ५ नम्बर वडाको लामखालमा सुपप्र ०१००२ त ५३९१ नम्बरको ट्याक्टर पल्टिँदा १३ वर्षीय बालक प्रशान्त सिंहको मृत्यु भएको हो।
रोकेर राखेको ट्याक्टरमा चढेर बालबालिकाहरूले चलाउने क्रममा ट्र्याक्टरको गियर हुत्त अगाडि बढेर बालकको मृत्यु भएको जिल्ला प्रहरी कार्यालय डोटीका प्रहरी नायब उपरीक्षक निशान्त श्रीवास्तबले बताएका छन् । ट्याक्टर चालक शिखर नगरपालिका ११ का वर्ष २४ का प्रेम ठकुल्ला शौचालय गएको बेला घटना भएको हुन सक्ने प्रहरीको प्रारम्भिक अनुसन्धानले बताएको छ। ट्याक्टर र चालक ठकुल्लालाई नियन्त्रणमा लिएर अनुसन्धान भइरहेको प्रहरीले जनाएको छ ।
