धनगढी। कैलालीको गोदावरीमा लागूऔषधसहित एक जना पक्राउ परेका छन्। कैलालीको गोदावरी नगरपालिका–५ गेटीका २८ वर्षीय नबिन चौधरी लागूऔषधसहित पक्राउ परेको इलाका प्रहरी कार्यालय मालाखेतीले जनाएको छ ।
शुक्रबार साँझ इलाका प्रहरी कार्यालय मालाखेती र गेटा चौकीबाट खटिएको संयुक्त प्रहरी टोलीले चौधरीको घरबाट लागूऔषध बरामद गरी पक्राउ गरेको जनाइएको हो ।
विशेष सूचनाको आधारमा चौधरीको घरमा खानतलासी गर्दा ४ ग्राम २७० मिलिग्राम लागूऔषध र डिजिटल तराजु बरामद गरिएको इलाका प्रहरी कार्यालय मालाखेतीले जनाएको छ। पक्राउ परेका चौधरीलाई प्रहरीले नियन्त्रणमा लिएको छ।
