कञ्चनपुर। कञ्चनपुरमा विभिन्न मुद्दामा फरार रहेका तीन जना प्रतिवादी पक्राउ परेका छन्। कञ्चनपुर जिल्ला अदालतबाट कैद र जरिवानाको सजाय पाइ फरार रहेका ३ जना प्रतिवादीलाई आइतबार प्रहरीले पक्राउ गरेको हो।
जिल्लाको भीमदत्त नगरपालिका–५ का पंकज चन्द पक्राउ परेका छन्। उनलाई अदालतले लागुऔषध मुद्दामा ४ महिना कैद सजाए सुनाएको थियो। उनी सोहि दिनबाटै फरार रहेका थिए।सवारी ज्यान मुद्दामा फरार रहेका महाकाली नगरपालिका–९ का लखन रावल पक्राउ परेका छन्। रावललाई १ वर्ष कैद, ५ महिना ४ दिन कैद र २ हजार रुपैँया जरिवाना तोकिएको थियो। चनद पनि सोहि दिनबाटै फरार रहेका थिए।
यस्तै चोरी मुद्दामा फरार रहेका भीमदत्त नगरपालिका–४ का युवराज शाहु आइतवार पक्राउ परेका छन्। शाहुलाई अदालतले ९ महिना कैदको सजाए सुनाएको थियो। तीनै जनालाई आज अदालतले सजाय भुक्तानको लागि कारागार चलान गरेको जिल्ला प्रहरी कार्यालय कञ्चनपुरका प्रहरी नायव उपरीक्षक सुचना अधिकारी प्रकाश डाँगीले बताए।
