धनगढी। भोली देखी सुदुरपश्चिम प्रदेश क्लव स्तरिय महिला पुरुष तथा भेट्रान फुटबल प्रतियोगीता-२०८० आयोजना हुने भएको छ। मनकामना युवा क्लव धनगढी १२ जुगेडाको आयोजनामा भोली (आईतबार) देखी ५ औँ प्रदेश क्लव स्तरिय महिला पुरुष तथा भेट्रान फुटबल प्रतियोगीता हुने (आज) पत्रकार सम्मेलन मार्फत जानकारी गराइएको हो।
धनगढी-१२ जुगेडा स्थीत मनकामना युवा क्लवको खेलमैदानमा हुने फुटबल प्रतियोगीताको सुदुरपश्चिम प्रदेशका भौतिक पुर्वाधार बिकास मन्त्री प्रकाश बहादुर देउवाले उद्घाटन गर्ने कार्यक्रम रहेको क्लवका अध्यक्ष कृष्ण राज पाण्डेयले जानकारी दिए। भोली दिउँसो १२ बजे उद्घाटन हुने पहिलो खेल भेट्रान तर्फ बोराडाँडी भर्सेस बैयाबेहडी र पुरुषतर्फ नेपाल पुलीस क्लब भर्सेस स्टार सिटी क्लब बिच दिउँसो २ बजे हुने मनकामना युवा क्लवका अध्यक्ष कृष्ण राज पाण्डेयले बताए।
हरेक बर्ष आयोजना हुँदै आइरहेको उक्त प्रतियोगीतामा पुरुष तर्फ ८ ओटा टोलीले सहभागी जनाएका छन्। जस अनुसार नेपाल पुलिस क्लब,स्टार सिटी क्लब,अल स्टार क्लब,कालीका क्लब, ग्रिन युवा क्लब,फुलबारी ११,नवोबुद्ध युवा क्लब र मनकामना युवा क्लब रहेका छन्। भेट्रान तर्फ ७ ओटा भेट्रान रहेका छन्। जस अनुसार कैलारी गाउँपालीका भेट्रान, अत्तरीया भेट्रान र बोराडाँडी भेट्रान र बैयाबेहडी, पुनर्वास नगरपालीका, ग्रिन ल्याण्ड पार्क बिकास समिती, मनकामना युवा क्लबले सहभागिता रहेका छन्।
पुरुष तर्फ प्रथम हुनेलाई १ लाख, भेट्रान तर्फ ७१ हजार र महिला तर्फ ५० हजार र यस्तै पुरुष तर्फ दितीय हुनेलाई ५० हजार, भेट्रान तर्फ ४० हजार र महिलालाई २५ हजार नगदसहित प्रमाणपत्र दिइने बताए। मुख्य प्रायोजकमा धनगढीको निसर्ग हस्पिटल रहेको छ। भने प्रर्बधकमा धनगढी वडा नम्बर १२ को वडा कार्यालय, सुदुरपश्चिम प्रदेश खेलकुद परिषद, धनगढी उपमहानगरपालीका,कैलाली जिल्ला फुटबल संघ रहेको बताइएको छ । उद्घाटन कार्यक्रममा बिशिष्ट अतिथीका रुपमा सुदुरपश्चिम प्रदेश खेलकुद परिषद सदस्य सचिव दिपक बहादुर सिँह, यस्तै निसर्ग हस्पीटलका अध्यक्ष तिर्थ राज पन्त लगायत मनकामना युवा क्लबका पुर्व समिती लगायत बिभिन्न ब्यक्तीहरुको सहभागीता रहने जनाइएको छ। पत्रकार सम्बेलनमा मनकामना युवा क्लबका संस्थापक बिर बहादुर तामाङ्ग, यस्तै पुर्व अध्यक्ष राज कुमार खत्री, हेम कृष्ण रञ्जीतकार,रमेश न्यौपाने,राजकुमार सुनार,डवल बहादुर थापा लगायत खेलाडीको उपस्थीती रहेको थियो।
