डोटी। डोटीको सेती नदीमा एक नवजात शिशुको बेवारिसे अवस्थामा शव फेला परेको छ। डोटीको शिखर नगरपालिका ६ तिलतालिस्थीत सेती नदीमा एक नवजात शिशुको बेवारिसे शब फेला परेको जिल्ला प्रहरी कार्यालय डोटीले जनाएको छ।
जिल्ला प्रहरी कार्यालय डोटीका प्रहरी निरिक्षक सिताराम बिष्टका अनुसार बिहीबार साँझ ५ बजेको समयमा सेती नदीमा पानी जमेको ठाउँमा शब फेला परेको हो। मृतक शिशुको पहिचान भएको छैन् । ८/९ महिनाको जस्तो देखिने नबजात शिशु कस्ले किन र कसरी फालेको हो भन्ने बारे जानकारी प्राप्त नभएको प्रहरीले जनाएको छ। नवजात शिशु फाल्नेको खोजी कार्य भइरहेको र शिसुको शव पोष्टमार्टम जिल्ला अस्पताल डोटीमा राखिएको प्रहरी निरिक्षक बिष्टले बताएका छन्।
