डोटी। डोटीमा जीप दुर्घटना भएको छ। खप्तड राष्ट्रिय निकुञ्जको प्रवेशद्वार झिग्रानाबाट सिलगढी आउदै गरेको रा १ ज ९१५ नम्बरको बोलेरो जिप पानिखालमा दुर्घटना भएको छ। ७ जना घाइते भएको जिल्ला प्रहरी कार्यालय डोटीले जनाएको छ ।
जीप दिपायल सिलगढी नगरपालिका वडा नं ६ पानीखालमा दिउँसो साढे १ बजेतिर दुर्घटना भएको हो। डोटी सायल गाउँपालीका ३ का ५० बर्षिय भर्मल खाती,डोटी सायल गाउँपालीका ३ का ४५ बर्षिय माने खाती, सोही ठाउँकी ३० बर्षिय अमृता खाती, ३५ बर्षिय बिमा खाती,३२ बर्षीय गम्भीरे खाती, ५७ बर्षिय आनन्द गिरी, डोटीको पुर्बीचौकी गाउँपालीका २ का २४ बर्षिय दिपक ठकुल्ला घाईते भएका छन्।
प्रहरी निरीक्षक सिताराम बिष्टको नेतृत्वमा गएको प्रहरी टोली उद्धार गरेको हो । घाईतेहरुको उद्धार गरीअहिले जिल्ला अस्पतालमा उपचार भइरहेको र सबैको अवस्था सामान्य रहेको प्रहरीले जनाएको छ।
