डडेल्धुरा। डडेल्धुरामा एक मदिरा पसलमा आगलागी भएको छ। डडेल्धुराको अमरगढी नगरपालिका ४ तल्लो खलंगाका कमल गुरुङको मदिरा पसलमा मध्यराती एक्कासि आगलागी भएको हो।
मदिरा पसलमा आगलागी हुँदा लाखौंको क्षति भएको छ। पसल सञ्चालक गुरुङ घाईते भएका छन्। आगलागीबाट निस्सासिएर गुरुङ घाइते भएको र उनको अहिले डडेल्धुरा अस्पतालमा उपचार भइरहेको प्रहरीले जनाएको छ। आगलागीबाट उनको शरीरको बाहिरी भाग र हात तथा खुट्टामा जलेका छन्।
उनको अवस्था खतरामुक्त भएको प्रहरीले जनाएको छ। पसलभित्र के कति कारणले आगलागी भएको एकिन जानकारी आइनसकेको डडेल्धुराका प्रहरी नायब निरीक्षक करबीर ऐरले जानकारी दिए। पसलका साहु अस्पतालमा भएकाले उनी आएपछि मुजुल्का उठाउने कुरा भइरहेको ऐरले बताए। आगलागी हुने बितिक्कै अमरगढी नगरपालिकाको दमकल घटना स्थल पुगेर आगो नियन्त्ररण लिएको थियो। सो सम्बन्धमा प्रहरीले थप अनुसन्धान भैरहेको जनाएको छ ।
