धनगढी। सेती नदीमा नुहाउने क्रममा डुबेर दुई बालबालिका बेपत्ता भएका छन्। डोटी जिल्लाको दीपायलको सेती पुल नजिक नुहाउने क्रममा डुबेर दुई बालबालिका बेपत्ता भएका हुन्।
दीपायल सिलगढी नगरपालिका वडा नम्बर ७ पिपल्ला बस्ने ७ वर्षकी खुसी प्रजापती र साढे दुई वर्षका सिद्धार्थ देउवा बेपत्ता भएका हुन् । बेपत्ता दुबैको खोजी कार्यका लागि सुरक्षाकर्मी तथा स्थानीय खटिएका छन् । बेपत्ता बालबालिकाको खोजी कार्य भइरहेको प्रहरीले जनाएको छ।
