कैलाली। नेपाल क्रीकेट संघ क्यानमा नव निर्वाचित पदाधिकारीहरु सम्मानित भएका छन। सुदूरपश्चिम प्रदेश घर भएका केन्द्रिय पदाधिकारीहरु सम्मानित भएका हुन। सुदूरपश्चिम प्रादेशिक क्रीकेट संघले केन्द्रिय पदाधिकारीहरुलाई आईतवार एक कार्यक्रमका बिच सम्मान गरेको हो।
सम्मानित हुनेहरुमा नेपाल क्रीकेट संघ क्यानका अध्यक्ष चतुर बहादुर चन्द,केन्द्रिय सदस्य बिक्रम बिष्ट,केन्द्रिय सदस्य, बिरेन्द्र बहादुर चन्द,केन्द्रिय सदस्य धिरेन्द्र साउद र केन्द्रिय सदस्य जयन्ती भट्ट रहेका छन। सुदूरपश्चिम प्रादेशिक क्रीकेट संघका अध्यक्ष बासुदेव जोशीको अध्यक्षतामा भएको कार्यक्रममा बोल्दै नेपाल क्रीकेट संघका अध्यक्ष चतुरबहादुर चन्दले नेपाल लगायत सुदूरपश्चिमको क्रीकेट बिकासमा सक्रियताका साथ लाग्ने बताए।
क्रीकेटको भौतिक संरचनामा सुधार गर्दै खेलाडीहरुको क्षमता बिकासमा आफ्नो ध्यान केन्द्रित रहेको जानकारी दिए। सम्मान एवम बधाई कार्यक्रममा सुदूरपश्चिम प्रदेशमा क्रीकेटमा कृयाशिल ब्यक्ति एबम संघसंस्थाका प्रतिनिधिहरुको उपस्थिति रहेको थियो।
