धनगढी। धनगढीबाट बाजुराका एक युवक लागूऔषधसहित पक्राउ परेका छन्।
कैलालीको धनगढी उपमहानगरपालिका-१ नैनादेवी चोकबाट ६८० मिलिग्राम लागूऔषधसहित बाजुराको बुढिगंगा नगरपालिका-६ को २० वर्षीय देबेन्द्र लुहार मंगलवार साँझ पक्राउ परेका हुन्।
जिल्ला प्रहरी कार्यालय कैलालीबाट खटिइएको प्रहरी टोलीले चेकजाँच गर्दा देबेन्द्रको साथबाट लागूऔषध फेला पारी पक्राउ गरेको जानकारी दिएको छ। यस सम्बन्धमा प्रहरीले थप अनुसन्धान गरिरहेको जनाएको छ ।
