धनगढी। कैलालीको धनगढी उपमहानगरपालिका वडा नम्बर १३ स्थित दृष्टि फाउण्डेसनमा निशूल्क दन्त शिविर गरिएको छ । दृष्टि फाउण्डेसनमा बिहिबार एक दिने निशूल्क दन्त शिविर आयोजना गरिएको आयोजकले जनाएको छ ।
मुस्कान डेन्टल होम र लायन्स क्लब अफ धनगढी टाउनको संयूक्त आयोजनामा भएको निशूल्क दन्त शिविरमा फाउण्डेसनमा बस्दै आएका ६० जनाको दन्त परिक्षण गरिनुका साथै निशूल्क औषधि वितरण गरिएको हो ।निशूल्क दन्त शिविरबाट फाउण्डेसनमा दन्त रोग भएका बिरामीहरुले लाभ पाएका छन्। फाउण्डेसनमा बस्दै आएका व्यक्ति तथा कर्मचारीहरुले मुस्कान डेन्टल होममा चेकजाँच गरेमा उनीहरुलाई ५० प्रतिशत छुटको व्यवस्था गरिने होमका सञ्चालक सन्दिप शर्माले बताए।
