कञ्चनपुर। कञ्चनपुरबाट लागुऔषध सहित सव इन्जिनियर पक्राउ परेका छन् । जिल्लाको दक्षिणी क्षेत्रमा पर्ने बेलौरी नगरपालिका–१० सडकघाटबाट नौ दसमलब ४२ ग्राम लागुऔषध सहित बेलौरी नगरपालिका ३ का २५ वर्षका हरिश रेग्मीलाई शनिवार बिहान प्रहरीले पक्राउ गरेको हो ।
प्रहरी चौकी भुडाबाट खटिएको प्रहरी टोलीले शंका लागि चेकजाँच गर्दा उनको साथबाट प्रतिबन्धित खैरो हिरोइन जस्तो देखिने पदार्थ ब्राउन सुगर फेला परेको प्रहरी चौकी भुडाका प्रहरी जवान जवान महेश कुमार भट्टले बताए ।पक्राउ परेका रेग्मी सवार सु प्र प्र ०३००१ प ०४५६ नम्बरको मोटरसाइकल समेत बरामद गरेको छ । पक्राउ परेका रेग्मी अछाम सडक डिभिजन कार्यालयका सब इन्जिनियर हुन ।पक्राउ परेका रेग्मी माथी गप अनुसन्धान भइरहेको प्रहरीले जनाएको छ ।
