धनगढी। बैतडीका एक जनाको भारतमा गाडी दुर्घटनामा परेर मृत्यु भएको छ। बैतडीको सिगास गाउँपालिका ४ बिशुनाका देबसिंह धामीका २२ वर्षीय छोरा डम्बरसिंह धामीको भारतको बेंगलोरस्थीत उटीमा गाडी दुर्घटनामा परेर मृत्यु भएको हो।
१२ दिन पहिले मात्रै आफ्नै काकासँग उनी बेंगलोर गएका थिए। डिउटीबाट क्वाटरमा जानेबेला उनलाई बिहीवार बिहान गाडीले ठक्कर दिएको थियो। गाडीको ठक्करबाट गम्भीर घाइते भएका धामीको उपचारको क्रममा मृत्यु भएको आफन्त तिलकसिंह धामीले बताए। उनको घरमा श्रीमती र एक छोरी छन्। घटनाका सम्बन्धमा आवश्यक छानविन भैरहेको बताइएको छ।
