धनगढी : बैतडीमा बस दुर्घटना भएको छ । जिल्लाको मेलौली नगरपालिका ७ मा बस दुर्घटना भएको हो । बैतडीको पञ्चेश्वरको कुलाउदेखि महेन्द्रनगरका लागि छुटेको बस मेलौली –पञ्चेश्वर सडकखण्ड अन्तर्गत मेलौली नगरपालिका वडा नं ७ स्वाखानी भन्ने स्थानमा दुर्घटनामा परेको हो ।
इलाका प्रहरी कार्यालय पाटनका अनुसार सोमबार दिउँसो १ बजेतिर लु २ ख २०११ नम्बरको पवनदुत यातायातको बस दुर्घटनामा परेको हो । प्रहरी निरिक्षक कमलप्रसाद चौधरीका अनुसार दुर्घटनाका बिषयमा थप जानकारी आउन बाँकी रहेको छ । प्रहरी निरीक्षक चौधरीकै कमाण्डमा दुर्घटास्थलतर्फ प्रहरीको टोली खटिएको छ ।
दुर्घटनामा परी घाइते भएका ३९ जनाको उद्धार गरी केशरपुर प्राथमिक स्वास्थ्य केन्द्र मेलौलीमा पुर्याइसकिएको प्रहरी निरिक्षक चौधरीले बताए । बस सडकबाट अन्दाजी चार सय मिटर तल खसेर रुखमा अड्किएको छ । बसमा कतिजना सवार थिए भन्ने कुरा अझै एकीन हुन बाँकी रहेको प्रहरीले बताएको छ ।
