बैतडी। बैतडीको श्रीभावरमा परेको पहिरोका कारण जयपृथ्वी राजमार्ग अवरुद्ध भएको छ। वर्षाका कारण सडकमाथिबाट खसेको पहिरोले खोड्पे-बझाङ जयपृथ्वी शनिवार रातिदेखि सडक अवरुद्ध भएको प्रहरीले जनाएको छ।
पहिरो खस्दा यातायात सेवा पूर्ण रूपमा अवरुद्ध हुँदा बैतडी हुँदै बझाङ जाने र बझाङबाट बाहिरिने यात्रु बीचबाटोमै अलपत्र परेका छन्। राजमार्ग अवरुद्ध भएपछि पहिरो पन्छाउन स्काभेटर पठाइएको भए पनि वर्षा निरन्तर भइरहेकाले समस्या भएको बझाङ प्रहरीले बताएको छ। पानी नरोकिँदासम्म पहिरो पन्छाउन नसकिने र राजमार्ग सञ्चालन गर्न अझै केही समय लाग्ने भएको बताइएको छ ।
