दार्चुला। दार्चुलामा आज बिहान चट्याङ पर्दा एक महिला घाइते भएकी छिन्। दार्चुलाको महाकाली नगरपालिका–९ थाप्लाका नरेशसिंह धामीको घरमा चट्याङ पर्दा उनको श्रीमती २८ वर्षीया कौशादेवी धामी घाइते भएकी हुन्।
कौशादेवीको दाहिने हात र खुट्टा झमझमाई रहेपछि उनलाई उपचारका लागी थाप्ला स्वास्थ्य चौकीमा लगिएको प्रहरीले बताएको छ। आज बिहीबार बिहान धामीको घरमा चट्याङ परेको हो ।
यस्तै उनको गोठभित्र रहेको एक भैंसीको मृत्यु भएको छ। यस्तै बैतडी प्रहरीका अनुसार बुधबार राति बैतडीको पुर्चौंडी नगरपालिका-१ कनेडापानीका प्रेमसिंह भण्डारीको घरनजिकै रहेको विद्युतको तारमा चट्याङ परेको छ। उनको गोठमा बाँधेका २ वटा भैंसी एउटा बाख्राको मृत्यु भएको छ। चट्याङबाट दुईवटा मोबाईल, विद्युतको मिटर बक्स र भण्डारीको घरको वाईरिङ तार जलेर नष्ट भएको छ।
