बैतडी। बैतडीमा ३ जना सवार रहेको ट्याक्टर दुर्घटना भएको छ। बैतडीको शुक्रबार दिउँसो १२ बजे पाटनमा ट्याक्टर दुर्घटनामा परेको प्रहरीले जनाएको छ। पाटनबाट सुर्नया नदीबाट बालुवा ल्याइरहेको सुदूरपश्चिम प्रदेश ०१००२ त ४९५३ नम्बरको ट्याक्टर पाटन–६ को लोर्खा मा दुर्घटनामा परेको इलाका प्रहरी कार्यालय पाटनले जनाएको छ।
ट्याक्टरमा चालकसहित ३ जना सवार रहेको र सबै सकुसल रहेको इलाका प्रहरी कार्यालय पाटनले जनाएको छ।ट्याक्टर सडकबाट करिब ५० मिटर तल खसेको छ । प्रहरीले दुर्घटनाको कारण नखुलेको र घटनाबारे थप अनुसन्धान भइरहेको जनाएको छ।
