बैतडी। बैतडीमा खोला तर्ने क्रममा लडेर एक जनाको मृत्यु भएको छ। बैतडीको सिगास गाउँपालिका वडा नम्बर ३ का ४८ वर्षिय कालुसिंह धामीको खोला तर्ने क्रममा चिप्लिएर मृत्यु भएको प्रहरीले जनाएको छ।
जिल्ला प्रहरी कार्यालय बैतडीका अनुसार बिहीवार दिउँसो खोला तर्ने क्रममा लडेका उनको घटना स्थलमै मृत्यु भएको हो। वडा नम्बर ३ कै डुडे मन्दिर नजिक रहेको खोला तर्नेक्रममा चिप्लिएर लडेका धामीको ढुङ्गामा टाउको लागेको जिल्ला प्रहरी कार्यालय बैतडीले जनाएको छ।
