धनगढी। भारतमा चोरीका मोटरसाईकलसहित एक नेपाली र दुई भारतीय पक्राउ परेका छन्। सिमावर्ती क्षेत्र पलिया–दुधवा रोडमा चोरीका मोटरसाईकल सहित एक नेपाली र दुई भारतियलाई स्थानीय बन्सीनगर प्रहरी चौकीले गरेको सवारी चेकजाँचका क्रममा मोटरसाइकल सहित तीनजना पक्राउ परेका हुन्।
पक्राउ पर्नेमा नेपाली धनगढी वडा नम्बर ६, बिजुलिया जालीका राजेश चौधरी र भारतिय खिरी जिल्लाका बनगाँवाका आसाराम राणा र छोटका सिंह रहेका छन्। उनीहरुबाट युपी २५ डीबी ७ हजार नम्वरको बुलेट, दर्ता बिनाको स्प्लेन्डर प्लस कालो मोटरसाइकल, तीन थान मोबाइल र चार सय ४० नगद बरामद गरेको छ।
