बैतडी। बैतडीमा जिप पल्टिएको छ। शुक्रबार बैतडीको गोकुलेश्वरबाट डिलाशैनी गाउँपालिकाको केन्द्र धामी गाउँ जाँदै गरेको जिप पल्टिँदा एकजना घाइते भएको प्रहरीले जनाएको छ । सुदुरपश्चिम प्रदेशको ००१ ज १२०८ नम्बरको जिप वडा नं ५को अमिरपानी भन्ने ठाउँमा पल्टिएको हो।
डिलाशैनी गाउँपालिका वडा नं ७ का वडा अध्यक्ष प्रकाशमणी भट्टले जिपको ब्रेक फेल भएर सडकमै पल्टिएको जानकारी आएको बताए । जिप सडकमै पल्टेको हुनाले ठूलो मानवीय क्षति हुनबाट जोगिएको उनको भनाई छ ।जिपमा चालक सहित १५ जना सवार रहेका स्थानीय मनोज जोशीले बताए । कच्ची सडकको उकालोमा ब्रेक फेल भएर जिप पल्टेको उनले जानकारी दिए ।
