डोटी। डोटीमा युवाबिच झपड भएको छ। डोटीको पुर्विचौकी गाउँपालिका वडा नम्बर २ बगलेकमा आपसी विवाद भएको जिल्ला प्रहरी कार्यालय डोटीका सूचना अधिकारी भोला कुमार भट्टले जानकारी दिए। उनका अनुसार सोमवार घरमा पूजा भइरहेको बेला आपसी विवाद हुँदा एक जना घाइते भएका छन्।
घाईते हुनेमा सोही ठाउँका शेर बहादुर ठकुल्ला भएको जिल्ला प्रहरी कार्यालय डोटीका सूचना अधिकारी भट्टले बताए। ठकुल्लाको टाउको चोट लागेको छ। उनीमाथि धारिलो हतियार प्रहार भएको हुनसक्ने अनुमान गरिएपनि कुन हतियार प्रहार भएको हो भन्ने खुलेको छैन। प्रहरीले उनलाई आक्रमण गरेको आशङ्कामा सोही ठाउँका दुई जनालाई नियन्त्रणमा लिएको छ। घटनाबारे थप अनुसन्धान भइरहेको प्रहरीले बताएको छ।
