सुदूरपश्चिममा सभामुख चयन भएनन्, एक मत बदर हुँदा रोकिए सत्ता गठबन्धनका भण्डारी

स्टेटसेभन संवाददाता

बिहीबार , पुष २८, २०७९ मा प्रकाशित

सुदूरपश्चिम प्रदेशसभाको सभामुख चयन हुन सकेका छैनन् । सभामुखको निर्वाचनका लागी पुस २८ गते मिति तोकिए अनुसार आज निर्वाचन भएको थियो । निर्वाचनमा सत्ता गठबन्धनबाट सभामुखका उमेदवार बनेका माओवादी नेता भिम भण्डारीलाई एक मत कम पुगेको छ । बिहीवार भएको निर्वाचनमा भण्डारीले २७ मत पाएका हुन तर एक मत बदर भएको प्रदेश सभा सचिवालयले जनाएको छ।

सभामुखमा भण्डारीको पक्षमा २७ मत आउँदा अर्का उम्मेदवार काँग्रेसका मानबहादुर रावलको पक्षमा २३ मत आएको थियो। प्रदेश सभामा ५३ जना सदस्य रहेको भए पनि ५० मत खसेको थियो।