धनगढी। सुदूरपश्चिमका नवनियुक्त मुख्यमन्त्रीको शपथ ग्रहण आज हुने भएको छ। सुदूरपश्चिमका नवनियुक्त मुख्यमन्त्री राजेन्द्र रावलको पद तथा गोपनीयताको शपथ ग्रहण आज (बिहीबार) साँझ ४ बजे हुने भएको हो । सुदूरपश्चिमको मुख्यमन्त्रीमा एमाले संसदीय दलका नेता रावल बुधबार नियुक्त भएका थिए ।
प्रदेश प्रमुखको कार्यालयले आज बिहीवार साँझ ४ बजे शपथ ग्रहण हुने भएको जनाएको छ। नवनियुक्त मुख्यमन्त्री रावललाई प्रदेश प्रमुख देवराज जोशीले शपथ ग्रहण गराउने छन्। २९ जना प्रदेश सभा सदस्यको समर्थनमा प्रदेश प्रमुख जोशीले बुधवार रावललाई मुख्यमन्त्रीमा नियुक्त गरेका थिए।
