बाजुरा। बाजुराको मार्तडीमा अज्ञात समूहले २ वटा जिपमाथी तोडफोड गरेको छ। बाजुराको सदरमुकाम मार्तडीमा शुक्रबारराती २ वटा जिप तोडफोड भएको स्थानियले बताएका छन्। से १ ज ९८९ नम्बरको नाथ ब्रदर्श देवेन्द्र नाथको जिप र से १ ज १००८ नम्बरको रोकाया ब्रदर्श कलक रोकायाको जिप अज्ञात समूहले तोडफोड गरेका हुन्।
नाथ ब्रदर्शको अगाडीको शिसा फुटाएको छ भने लुकिङ गलास समेत फुटाएको छ। यस्तै रोकाया ब्रदर्शको लुकिङ गलास फुटाएको चालक मनिराम न्यौपानेले बताएका छन्। शुक्रबार राती सबै पुस १५ को अवसरमा रमाईरहेको बेला कोहि अराजक ब्यक्तिहरुको समूहले मदिरा सेवन गरि तोडफोड गरेको हुन सक्ने चालकले जानकारी दिए। प्रहरीले उनीहरुको खोजी भैरहेको बताएको छ। 
