कञ्चनपुर। कञ्चनपुरमा सोमबार राति दुई घरमा चोरी भएको छ। कञ्चनपुरको बेलौरी नगरपालिका वडा नम्बर-२ बैजुडाँडास्थीत २ घरमा भारतीय लुटेराहरुले राति साढे १ बजेतिर लुटपाट गरेको इलाका प्रहरी कार्यालय बेलौरीले जनाएको छ। स्थानिय मनोज चौधरी र प्रेमनाथ चौधरीको घरमा अज्ञात समूहले चोरी गरेको प्रहरीले जनाएको हो।
लुटेराहरुले ४ लाख रुपैयाँ बराबरको नगद र मोबाइल, सुनचाँदीलगायत समान चोरी गरेर लगेको निवेदन आएको इलाका प्रहरी कार्यालय बेलौरीका प्रहरी निरीक्षक दानसिंह भण्डारीले बताए। चोरीमा भारतीय नागरिक संलग्न रहेको पीडित परिवारले आशंका गरेका छन् । उनीहरुको खोजीकार्य भैरहेको र भारतीय प्रहरीसँग समन्वय गरी शंकास्पद व्यक्तिहरुमा निगरानी गरिरहेको प्रहरी निरीक्षक भण्डारीले बताएका छन् ।
