कैलाली। कैलालीमा एक जनाले आफ्नै श्रीमतीको बन्चरो प्रहार गरी हत्या गरेको प्रहरीले बताएको छ। जिल्लाको टिकापुर नगरपालिका वडा न.१ गणेशपुर शिविर बस्ने ६० वर्षको भगीरथ जैशीले ५९ वर्षकी श्रीमती मुगादेवी जैसीको टाउकोमा बन्चरोले हानेर हत्या गरेका हुन् । मंसिर २८ गते विवादका कारण बञ्चरो प्रहारबाट घाइते भएकी श्रीमतीको उपचारका क्रममा मृत्यु भएको हो।
उनले बञ्चरोले टाउकोमा प्रहार गरेपछि घाइते भएकी मुगादेवीलाई उपचारको लागि आफन्तहरुले टीकापुर अस्पताल र त्यसपछि सामान्य उपचारपश्चात थप उपचारको लागि कोहलपुर बाँके रेफर गरेका थिए। उपचारकै क्रममा रहेकी उनलाई बिहीबार बेलुका घर लैजान्छौँ भनेर माइती पक्षका कैलालीको मोहन्याल ७ ज्यामीरेमा फिर्ता लगिएको कैलालीका डिएसपी वेदप्रकाश जोशीले बताए।
घाइते मुगादेवीलाई घर ल्याएपछि उनको शुक्रवार माइती घरमै मृत्यु भएको प्रहरीले बताएको छ। प्रहरीले मृतकका श्रीमान् भागिरथलाई पक्राउ गरेर हिरासत कक्षमा राखि अनुसन्धान भइरहेको जनाएको छ । मृतकको शव भने पोष्टमार्टम पश्चात मृतकका छोरा पवन प्रसाद जैशीले बुझेर लगेका थिए ।बन्चरो प्रहार गर्ने श्रीमानलाई पक्राउ गरी अनुसन्धान गरिरहेको भइरहेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक वेद प्रकाश जोशीले जानकारी दिएका छन् ।
