बैतडी। बैतडीमा एक जना शिक्षक मृत अवस्थामा फेला परेका छन्। बैतडीको पाटनमा शिक्षक मृत फेला परेको प्रहरीले जनाएको छ। बैतडीको सुर्नया गाउँपालिका-२ घर भई कृष्ण मावि पाटनमा कार्यरत शिक्षक धनबहादुर बिष्ट मृत अवस्थामा फेला परेको प्रहरीले जनाएको छ।
शनिबार दिउँसो अन्दाजी ५५ वर्षीय बिष्ट कृष्ण माविको छात्रवास पछाडि रहेको भिरालो ठाउँमा मृत अवस्थामा फेला परेको प्रहरीले जनाएको छ। पाटनमा बहुमुखी क्याम्पसमा समेत पढाउँदै आएका विष्टको मृत्युको कारण भने खुल्न सकेको छैन्। घटनाको अनुसन्धान जारी रहेको प्रहरीले जनाएको छ।
