धनगढी । कतारमा जारी विश्वकप फुटबलमा आजदेखी क्वार्टरफाइनलका खेल सुरु हुँदैछन् । आजको पहिलो खेल ब्राजिल र क्रोएसिया तथा दोस्रो खेल अर्जेन्टिना र नेदरल्याण्ड्सबीच हुँदैछ । नेपालमा टेलिभिजनमा मात्र फुटबल हेर्दै आएका दर्शकले शुक्रबारदेखि फिल्म हलको ठूलो पर्दामा समेत विश्वकप फुटबलको आनन्द लिन पाउनेछन् । यसै अवशरमा धनगढी स्थित एस टि एस सिनेमा हलमापनि फुटबल हेर्न पाइने भएको छ ।
राति साढे ८ बजे सिनेमाले ब्राजिल र क्रोएसियाको खेल देखाउनेछ । यस्तै सढे १२ बजे नेदरलेन्ड र अर्जेन्टिनाको खेल देखाउने सिनेमाले जनाएको छ । फुटवलका लागी टिकट बुकिङ खुला गरिएको छ । टिकेट रेट २०० र ३०० राखिएको छ ।
