दार्चुला। दार्चुलामा मतपेटिका संकलन कार्य जारी रहेको छ। भौगोलिक विकटताको कारण केही पालिकाको मतपेटिका संकलन गर्न ढिलाई भएको जनाइएको छ।
जिल्ला प्रहरी कार्यालय दार्चुलाका प्रहरी प्रमुख डीएसपी तर्कराज पाण्डेयले भौगोलिक विकटताको कारण केही पालिकाको मतपेटिका संकलन हुन बाँकी रहेको र काम अझै नसकिएको बताए। उनले ब्याँस गाउँपालिकाका विभिन्न मतदान केन्द्रका मतमेटिका आउन बाँकी रहेको जानकारी दिए। सबै मतपेटिका संकलन भएपछि मतगणना सुरु हुने उनले बताएका छन्।
