बैतडी। बैतडीमा जिप दुर्घटना हुँदा ६ जना घाइते भएका छन् । बैतडीको गोकुलेश्वरबाट डिलाशैनी गाउँपालिकाको केन्द्र धामीगाउँ जाँदै गरेको सु.प.प्र ०१–००१ ज १३७९ नम्बरको जिप बिहीबार बिहान ११ बजेतिर लेट्ठेकोट भन्ने स्थानमा दुर्घटनामा परेको प्रहरीले जनाएको छ । घाइते ६ जनाको परिचय खुलेको छ ।
घाइते हुनेमा डिलाशैनी गाउँपालिका ७ का २२ बर्षीय जीप चालक महेशराज जोशी, सोही ठाउँका ७० बर्षीय नारायणदत्त जोशी, ५४ बर्षीय हर्कबहादुर बोहरा, कञ्चनपुरको कृष्णपुर नगरपालिका ४ वाणीका ३५ बर्षीया अम्बिका जोशी, सोही ठाउँका ३८ बर्षीय मदनराज जोशी र ६ बर्षीय कपिलराज जोशी रहेका छन् ।जिप सडकबाट ८० मिटर तल खसेको छ । घाइतेहरुको गोकुलेश्वर अस्पतालमा उपचार भइरहेको छ । जिपमा चालक सहित १० जना सवार थिए ।
