धनगढीमा आयोजित वडा स्थरिय अभिषेक मेमोरियल फुटबल प्रतियोगिताको उपाधी वडा नम्बर ७ ले पाएको छ । जाई युवा क्लवको आयोजनामा कैलाली बहुमुखी क्याम्पस प्रागंणमा भएको फुटबल प्रतियोगिताको उपाधी ७ नम्बरले जितेको हो ।
उप बिजेता भने वडा नम्बर १४ भएको छ । आज भएको फाइनल खेलमा वडा नम्बर ७ बिजेता बनेको हो । १२ वटा टिम सहभागी प्रतियोगिताको बिजेता वडा नम्बर ७ ले नगद ५१ हजार प्राप्त गरेको छ भने वडा नम्बर १४ ले २१ हजारमा चित्त बुझाएको छ ।
समापन कार्यक्रममा प्रमुख अतिथी रहेका नेकपा एमाले सुदूरपश्चिम प्रदेश कमिटि सचिवालय सदस्य तथा नवजिवन अस्पतालका अध्यक्ष यज्ञ ढुंगानाले बिजेता टिमलाई पुरस्कार तथा प्रमाणपत्र वितरण गरेका थिए । पुरस्कार वितरण गर्दै ढुंगानाले स्वासथ्यका लागी र समाजका लागी खेल आवश्यक रहेको बताए । अहिले कुलतको सिकार बन्न पुगेका युवाहरुमा खेलकै अभाव भएको उनले बताए । खेलले मानसिक स्वासथ्यमा धेरै सकारात्मक प्रभाव पार्ने भएकाले सकेसम्म् सबैले कुनै न कुनै खेलमा आबद्ध हुनुपर्ने धारणा राखे ।
उप बिजेतालाई राष्टिय युपवा संघका केन्द्रिय सदस्य तथा कैलाली ईन्चार्ज अरुण कुँवर लगायतले पुरस्कार वितरण गरेका थिए ।
