कार्यालय सहयोगीलाई बलात्कार प्रयास गरेको आरोपमा बैतडीका एक स्वास्थ्य चौकी ईन्चार्ज पक्राउ परेका छन् । बैतडीको सिगास गाउँपालिकाको एक स्वास्थ्य चौकीका ईन्चार्ज अहेव २७ बर्षिय खगेन्द्र धामीलाई प्रहरीले पक्राउ गरेको हो ।
कार्यालय सहयोगीका रुपमा काम गर्दै आएकी महिलामाथी जबरजस्ती करणी गरेको आरोपमा स्वास्थ्य चौकी ईन्चार्ज धामीलाई पक्राउ गरेको जिल्ला प्रहरी कार्यालय बैतडीका प्रहरी निरिक्षक लोकराज जोशीले जानकारी दिए। घटना असार १६ गतेको भएपनि अहिले सार्वजनिक भएको प्रहरीले जनाएको छ। । यस सम्बन्धमा थप अनुसन्धान भइरहेको प्रहरीले बताएको छ।
